الحمد لله ما بقاش استعمار في بلادنا
تكسر سيف الظلم في الحروب هلكوه الشجعان
ضحات الرجال في الغيب ,الصحرا وجبالنا
تحيا الجزاير حرةو يحياو الشبان
تحيا الجزاير حرة رجال ونسوان
***********
نبدا بسم الله نور القلوب الساس ايماننا
والصلاة الهادي شفيعنا سيد بن عدنان
الله أكبر سلاح المجاهدين سيادنا
تنصرجيش التحريرعلى العدا من فضل الرحمان
اللي استشهد مرحوم و اللي عاش يبقى في لمان
****************************
الحمد لله ما بقاش استعمار في بلادنا
تكسر سيف الظلم في الحروب هلكوه الشجعان
ضحات الرجال في الغيب ,الصحرا وجبالنا
تحيا الجزاير حرةو يحياو الشبان
تحيا الجزاير حرة رجال ونسوان
****************
رحم الله الشهدا مسبلين من أجل وطاننا
اكرمهم ياربي بالقصور في جنة رضوان
اوضع الرحمة في القلوب يترباو ولادنا
و المسلم معروف بالعفو جاء في القرآن
يامواطن اشتهد ياخي في علم الزمان
*************************
الحمد لله ما بقاش استعمار في بلادنا
تكسر سيف الظلم في الحروب هلكوه الشجعان
ضحات الرجال في الغيب ,الصحرا وجبالنا
تحيا الجزاير حرةو يحياو الشبان
تحيا الجزاير حرة رجال ونسوان
جزاير عربيةابيض و أخضر معروف علامنا
فيه نجمة و هلال منورة رفدوه الشجعان
تونس شقيقتنا عزها مايخطي من بالنا
خدمت الواجبات شيعوها ناس البرلمان
*************************************
طرابلس ليبيا و مصر الحجاز واليمان
الحمد لله ما بقاش استعمار في بلادنا
تكسر سيف الظلم في الحروب هلكوه الشجعان
ضحات الرجال في الغيب ,الصحرا وجبالنا
تحيا الجزاير حرةو يحياو الشبان
تحيا الجزاير حرة رجال ونسوان
*****************
الجزاير غالية و عزيزة مفدية بابطالنا
الله يدومو أولادها رجال ونسوان
مولاي الحسن الثاني في الحروب كتابنا
بن مولاي ادريس بن ادريس الشرفاء الأعيان
*****************
الغرب الأقصى الشناكطة صحاري و السودان
*************
الحمد لله ما بقاش استعمار في بلادنا
تكسر سيف الظلم في الحروب هلكوه الشجعان
ضحات الرجال في الغيب ,الصحرا وجبالنا
تحيا الجزاير حرةو يحياو الشبان
تحيا الجزاير حرة رجال ونسوان
**************
بالوحدة والخدمة نغيرو من كانو عدياننا
نهدم سور الحسد ونحاربو جيوش الشيطان
نتمناو النجا للدولة وجميع رياسنا
والخاين ملعون يستاهل كية بالنيران
.....يالله يااخوان للعمل بنظم و إتقان
نطلبو ربنا .....بالنصر لديننا .... أويحيا شعبنا.....بجاه العدنان
Aucun commentaire:
Enregistrer un commentaire